|
|
2010-05-17
|
رقم المشاركة : 1 |
|
كيف راكم الغاليات. واش راكوم تعاودو؟ اوا اليوما طرحت الطبق دالخبيزة او البقولة المغربية اول شيء كانقيو البقولة ونغسلوها مزيااااان و نخليوها تسقطر ليلة كاملة.واكيد راكوم كتعرفوها.نتمنى ينال اعجابكم. البقولة كتواجد فالجرادي غير حيدوها وبداو معايا نقطعوها كيما كتشوفو نديروها تفور (مانكتروش الماء) ويمكن اننا نسلقوها قبل مانديروها تفور نغرسو فيها الثوم بعدما زولنا ليها القلب ديالها(لانه غير صحي) دابا ندوزو للشرمولة كيف ماكاتشوفو معايا 2بصلات محكوكين قزبر و معدنوس(باشما كترتي الكمية احسن) ثوم عصير حامضة زيت بلدية(ممكن تضيفي الزيت الرومية ) حامض مصير فلفلة حارة "الى بغيتي" صلصة مركز الطماطم التوابل:ملح,ابزار,كمون,تحميرة,خرقوم,سكينجبير,ورقة سيدنا موسى(المهم حسب الي بغيتي) والزيتون  نديرو البصلة تشحر نضيفو الثوم,الربيع و العطرية نضيفو مركز الطماطم بعدما ذوبناه فالقليل من الما باش كانفورو البقولة نضيفو الفليفلات هادا هو الشكل ديال البقولة فالكسكاس بعدما تفورات  بعدما تفورات البقولة مزياااان نضيفوها على الشرمولة ديالنا نضيفو عصير حامضة ودابا نضيفو المرق ديالنا.الماء الي فورنا فيه البقولة(هادشي علاش قلت ليكم ديروه قليل فالاول باش يجي هو هاداك و مايضيعش لينا الشي الي طلقات البقولة) فالاخير نضيفو شوية ديال قزبر و معدنوس مكرضين او ماننساوش الزيتون فالاخير ضفت تقريبا كاس عنبة اضافي ديال زيت العود+تحميرة+كمون+بزار وخليتها كاطيب مزال 1 ربع ساعة حتى طلقو هاد التوابل.كاتجي بنيييينة. ممكن انيقتي انك تضيفي القليل من الهريسة كاتجي حتى هي زوينة.بالنسبة ليا درت الهريسة بوحدها فطبق.  اوا بصحة والراحة
------------------------------
------------------------------
|
|
|
 |
عدد ردود هذا الموضوع : 2 يستوجب عليك تسجيل الدخول او تسجيل عضوية جديدة من أجل قراءة الردود و النقاشات حول الموضوع |
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
|
بالخطوات المصورة البقولة المغربية او الخبيزة
العرض العادي
